యాషెస్ సిరీస్ లో కష్టాల్లో ఇంగ్లాండ్
8:27 PM Edit This
కార్డిఫ్‌ ః తొలి యాషెస్ టెస్టుపై ఆస్ట్రేలియా పట్టు బిగించింది. ఈ టెస్టును గెలుచుకునే యత్నంలో భాగంగా ఆతిథ్య జట్టు ఇంగ్లాండ్‌ను రెండో ఇన్నింగ్స్‌లో 20 పరుగులకే రెండు వికెట్లు కూల్చింది. వర్షంతో అంతరాయం కలుగకుండా ఉంటే ఆస్ట్రేలియా నేటి నాలుగవ రోజు మ్యాచ్‌లో మరింత విజృంభించి ఉండేది. ఓపెనర్‌ బొపారాను కేవలం ఒక పరుగుకే హిల్పెన్‌హూస్‌ లెగ్‌బిఫోర్‌గా బలిగొనగా , కుక్‌ను 6 పరుగులకే జాన్సన్‌ అవుట్‌ చేశాడు. 17 పరుగులకే ఈ రెండు వికెట్లును కొల్పోయి ఇంగ్లాండ్ కష్టాల్లో పడిపోయింది. ఈ టెస్టుకు రేపటి ఆఖరి రోజు అయినందున ఇంగ్లాండ్ పై గెలిచే అవకాశాలు ఆస్ట్రేలియాకు ఉన్నాయి.
ఇన్నింగ్స్‌లో మొత్తం నలుగురు సెంచరీలు సాధించడంతో 674 పరుగులు చేసిన ఆస్ట్రేలియా ఆతిథ్య జట్టుకంటే 238 పరుగుల ఆధిక్యాన్ని అందుకుంది. కొద్దిలో మైఖెల్‌ క్లార్క్‌ సెంచరీ మిస్పయ్యాడు .లేదంటే ఈ ఇన్నింగ్స్‌లో సెంచరీలు సాధించిన వారి సంఖ్య ఐదుకు చేరి ఉండేది. మూడోరోజు ముగిసే సరికి వెలుతురు సరిగా లేక ఆట నిలిపివేసే సమయానికి 5 వికెట్లు నష్టపోయి 479 పరుగులతో ఉన్న ఆస్ట్రేలియాకు నార్త్‌ , హాడిన్‌ సెంచరీలు సాధించడంతో ఆరువందలను అధిగమించగలిగింది. వీరికి ముందు పాంటింగ్‌, కటిచ్‌ సెంచరీలు చేసిన విషయం విదితమే. వైస్‌కెప్టెన్‌ క్లార్క్‌ 83 పరుగుల వద్ద అవుట్‌ కావడంతో సెంచరీ మిస్‌ చేసుకున్నాడు. ఐదో వికెట్‌కు నార్త్‌, క్లార్క్‌ కలిసి 143 పరుగులు జతకలుపగలిగారు. ఆ సమయంలో నార్త్‌ 54, బ్రాడ్‌ హాడిన్‌ 4 పరుగులతో ఉన్నారు. బ్రాడ్‌ బౌన్సర్‌ను హుక్‌ చేయడానికి ప్రయత్నించి క్లార్క్‌ కీపర్‌ ప్రియర్‌ అందుకున్న క్యాచ్‌తో తిరిగి వచ్చాడు. ఆపై నార్త్‌, హాడిన్‌ కలిసి పసలేని ఇంగ్లాండ్‌న సమర్థవంతంగా ఎదుర్కోగలిగారు. నార్త్‌కు అతడికెరీర్‌లో ఇది రెండో సెంచరీ. తొలిసారి యాషెస్‌లో ఆడుతున్న నార్త్‌ కు ఇంగ్లాండ్‌పై ఇదే మొదటిది. దీనికి ముందు అతడు దక్షిణాఫ్రికాపై సెంచరీ చేశాడు.