సానియా పెళ్ళిలో పిడకల వేట
2:29 AM Edit This
| భారత టెన్నిస్‌ సంచలనం సానియా మీర్జా పెళ్లికి ఒకవైపు రంగం సిద్దం అవుతుండగా మరో పక్కన ఆమెను పెళ్ళి చేసుకుంటానంటూ కేరళకు చెందిన ఇంజనీర్ అస్రఫ్ నానా హంగామా చేశాడు. సానియా ఇంటికి వెళ్లిన ఆ యువకుడు తన స్నేహితుడు దేవశిష్ మొహంతితో పాటు గొడవకు దిగాడు. దీంతో సానియా తండ్రి పోలీసులకు ఫిర్యాదు చేశారు. వారిని బంజారాహిల్స్ పోలీసులు అరెస్ట్ చేసి పోలీస్ స్టేషన్‌కు తరలించారు. ఈ నెల 10 వ తేదీన సానియా మీర్జా వివాహ నిశ్చయ కార్యక్రమం జరగనున్న సంగతి తెలిసిందే. మంగళవారం అర్ధరాత్రి ఒంటిగంట సమయంలో అస్రఫ్, దేవశిష్ మొహంతిలు సానియామీర్జా తండ్రిని బయటికి పిలిచి సానియాను తాను పెళ్ళి చేసుకుంటానంటూ వాగ్వాదానికి దిగాడు. ఇద్దరి మధ్యా మాటా మాటా పెరగడంతో అస్రఫ్ కు తోడుగా వచ్చిన మొహంతి సానియా తండ్రి మీదకు దాడికి దిగాడు. దీంతో ఆయన బంజారాహిల్స్ పోలీసులకు ఫోన్ చేసి ఫిర్యాదు చేశారు. మీర్జా ఫిర్యాదుతో వెంటనే స్పందించిన పోలీసులు అస్రఫ్, మొహంతిలను అరెస్ట్ చేసి తీసుకుపోయారు. | |||